តិច​និច​តែង​ខ្លួន​ឲ្យ​មើល​ទៅ​​ដូច​​​​​អ្នក​​​​មាន​​​​​ ហាយ​​​ក្លាស​ៗ​​​​

អ្នក​ណា មិន​ចង់​មើល​ទៅ​ហាយ​ក្លាស​ និង​ថ្លៃថ្នូរ​។​ នៅ​ក្នុង​ពេល​បច្ចុប្បន្ន​នេះ​ការ​បញ្ជ្រាប​ខ្លួន​ចូល​ក្នុង​សង្គម​ស៊ីវីល័យ​គឺ​មាន​ការ​ប្រឈម​ច្រើន​ទាក់​ទង​នឹង​ការ​រៀប​ចំ​ខ្លួន​ឲ្យ​មាន​ភាព​ទាក់ទាញ​និង ស្រស់​ស្អាត​គួរ​ឲ្យ​ចង់​រាប់​អាន​ ប៉ុន្តែ​មិន​ថ្វី​ទេ ​សម្រាប់​លោក​អ្នក​ដែល​មិន​មាន​ប្រាក់​ច្រើន​ក៏​លោក​អ្នក​គួរ​តែ​ដឹង​ពី​របៀប​តែង​ខ្លួន​យ៉ាងណា​ដើម្បី​ឲ្យ​លោក​អ្នក​ប្រែ​ក្លាយ​ខ្លួន​ឲ្យ​មើល​ទៅ​ដូច​អ្នក​មាន​ និង​ ថ្លៃថ្នូរបានដែរ​៖

1. ប្រើគ្រឿងលំអរសាច់ក្រណាត់ស្បែកសត្វ 

លោកអ្នកមិនគួរពាក់ឈុត ឬ​ អាវរបៀបស្បែកសត្វដូចជា ស្បែកខ្លានោះទេ ប៉ុន្តែលោកអ្នកគួរប្រើប្រាស់សាច់ក្រណាត់ប្រភេទនេះទៅជា កន្សែងបង់ករទើបមើលទៅ ហាយសូ។

2. ស្លៀកឈុតខ្មៅ 

ឈុតខ្មៅមិនមែនចេះតែពាក់បាននោះទេ។ ចង់មើលទៅដូចអ្នកមានស្ត្រីគ្រប់រូបគួរជ្រើសយកប្រភេទក្រណាត់ដែលមានពណ៌ខ្មៅដិត មិនស្លកពណ៌ឬមានពណ៌ខ្មៅថើៗនោះទេ ព្រោះខោអាវប្រភេទនេះមើលទៅរាងចាស់ និង មើលទៅដូចជាធ្លាប់បានពាក់ច្រើនដងរួចមកហើយ។

3. ស្បែកជើងកែងសាមញ្ញតែស្អាត  

ប្រាកដណាស់ថាពេលដែលអ្នកចូលរួមកម្មវិធីផ្សេងៗ ស្បែកជើងកែងជាអ្វីដែលយើងមិនអាចខ្វះបាន។ ដូ​ច្នេះសម្រាប់អ្នកដែលអានអត្ថបទនេះគួរជ្រើសយកស្បែកជើងកែងដែលមិនមានម៉ូតរញ៉េរញៃ មានត្បូងច្រើន និងមានមុខក្រាស់ទេ។ លោកអ្នកគួរទិញនូវប្រភេទស្បែកជើងកែងបែបក្លាសិកមិនមានម៉ូតរញ៉េរញៃ និង ពណ៌ច្រើនពេកទេ។ ហាមដាច់ខាតពាក់ស្បែកជើងដែលវាលៗហើយពាក់ស្រោមជើងឲ្យឃើញច្បាស់។

4. ទំហំអាវសមល្មមនឹងរូបរាង

អាវក៏ជាសម្ភារៈសំខាន់ណាស់ដែរសម្រាប់អ្នកចង់ធ្វើខ្លួនឲ្យមើលទៅដូចជាអ្នកមាន ហាយក្លាសជាដើម។ លោកអ្នកគួរទិញអាវដែលទំហំរបស់វាល្មមនិងរាងរបស់អ្នក ជាជាងរើសយកអាវដែលរលុងៗ ដែលមើលទៅមិនស្អាត និង មិនទាន់សម័យ។

5. ចៀសវាងខោអាវចាប់ជរ  

លោកអ្នកមិនគួរស្លៀកឈុតដែលមានសាច់ដូចជាក្រណាត់ប៉ាក់ ជីពជរច្រើនស្អេកស្កះនោះទេ ផ្ទុយមកវិញអ្នកមានគេនិយមពាក់ឈុតដែលសាមញ្ញៗមិនមានម៉ូតរញ៉េរញៃ និងមានប៉ាក់តិចៗនៅជាយៗប៉ុណ្ណោះ។

6. ចៀសវាងអាវដែលមានរូបLogo​ 

អាវមានរូបlogo ប្រ៊េនផ្សេងៗភាគច្រើនគឺជាអាវដែលមានដាក់លក់លើទីផ្សារធម្មតា លោកអ្នកគួរពាក់អាវដេលមិនមានរូបអ្វីទាំអស់គឺមើលទៅប្រសើរជាង។

7. ពណ៌ខោអាវ 

 ខោអាវដែលមើលទៅថោកៗ ភាគច្រើនគឺពណ៌ឆើតៗដូចជា ត្រួយចេកខ្ចីជាដើម រីឯពណ៌សម្រាប់អ្នកមានដែលគេនិយមស្លៀកពាក់ភាគច្រើនគឺពណ៌ ដិតៗ ប៉ុន្តែភ្លឺ។ លោកអ្នកក៏គួរចៀសវាងពពាក់ឈុតដែលមានពណ៌ ខ្មៅ លាយ ពណ៌ត្នោត និង ពណ៌ទឹកប៊ិចបញ្ចូលគ្នា។

8. ខោអាវក្នុង 

 អ្នកមានគេមិននិយមពាក់អាវស្តើងដែលអាចមើលធ្លុះដល់អា​វក្នុងនោះទេ ដោយឡែកគេនឹងពាក់អាវដែលមានម៉ូតវាលបន្តិចប៉ុន្តែមិនបញ្ចេញអាវក្នុងច្បាស់ៗនោះទេ។

9. កាបូប 

 ចំពោះកាបូបវិញ លោកអ្នកគួរមាននូវកាបូបដែលមានម៉ូតបង្ហាញនូវខ្សែបន្ទាត់ច្បាស់ៗ និង មិនមែនជាកាបូបទន់ៗ រាងដូចជាថង់ខ្ចប់នោះទេ។


រៀបរៀងដោយ៖ ជិន ស្រីលាភ
ប្រភព Brightside.com