១. អរគុណ និងសប្បាយចិត្តសម្រាប់អ្វីដែលអ្នកមានរួចហើយ
តាមពិតមិនចាំបាច់ថាទាល់តែទទួលបានភាពជោគជ័យទើបជីវិតអ្នកស្រស់ស្អាតនោះទេ។ អ្នកគួរតែដឹងថា ជីវិតរបស់អ្នកគឺស្រស់ស្អាតរួចទៅហើយដែលអ្នកអាចកើតមកមានកាយសម្បទាគ្រប់គ្រាន់ មានខួរក្បាលដែលអាចគិតពីអ្វីផ្សេងៗបានច្រើនរាប់មិនអស់ មានក្រុមគ្រួសារ បងប្អូន និងមិត្តភក្តិដែលនៅជុំវិញខ្លូន មានអាហារញុំាគ្រប់គ្រាន់ និងមានសម្ភារៈប្រើប្រាស់ផ្សេងៗប្រើប្រាស់ជារៀងរាល់ថ្ងៃ។ សូមអ្នកអរគុណ និងសប្បាយចិត្តនឹងអ្វីដែលអ្នកមាន ដែលមនុស្សមួយចំនួនផ្សេងទៀតមិនមានសូម្បីតែមួយចំនុចដែលអ្នកមានផង។
២. ស្វែងយល់ពីតម្រូវការរបស់ខ្លូនឯងអោយបានច្បាស់
អ្នកត្រូវតែពិចារណាអោយបានច្បាស់លាស់អំពីអ្វីដែលអ្នកធ្វើហើយសប្បាយចិត្ត ព្រមទាំងសេចក្តីត្រូវការដែលចាំបាច់ត្រូវតែមាននៅក្នុងជីវិតរបស់អ្នក។ មែនទែនទៅ វាមិនសំខាន់ថាអ្នកដទៃមើលឃើញយ៉ាងណាឬគិតយ៉ាងណាចំពោះយើងទេ ប៉ុន្តែអ្វីដែលសំខាន់បំផុតនោះគឺថាអ្នកត្រូវតែស្វែងយល់ពីខ្លូនឯងអោយបានច្បាស់ រួចបំពេញតម្រូវការជីវិតរបស់អ្នកបន្តិចម្តងៗ ដើម្បីឈានទៅរកភាពដែលស្រស់ស្អាតមួយកម្រិតទៀតនៅក្នុងជីវិតរបស់នេះ ដោយអ្នកអាចចាប់ផ្តើមពីខ្លួនឯងយ៉ាងដូចនេះ។
៣. ផ្តល់សេចក្តីស្រលាញ់ទៅអ្នកដទៃអោយបានច្រើន
ពេលខ្លះអ្នកភ្លេចគិតថា សុភមង្គលមួយក៏អាចកើតមានឡើងដែរគឺនៅពេលដែលអ្នកផ្តល់សេចក្តី ការថែរក្សា និងភាពកក់ក្តៅទៅកាន់អ្នកជុំវិញខ្លួនអោយបានច្រើន។ នៅពេលដែលឃើញ អ្នកដទៃញញឹម ជីវិតរបស់អ្នកនិងមានភាពស្រស់ស្អាតដោយឯកឯង។ ជាជាងចំនាយពេលបំពេញសេចក្តីត្រូវការផ្ទាល់ខ្លូនច្រើនពេល អ្នកគួរតែចំនាយពេលធ្វើអោយអ្នកនៅជិតខ្លួនមានភាពសប្បាយរីករាយ ហើយទាំងនេះអាចកើតមានឡើងតាមរយៈសេចក្តីស្រលាញ់ដែលអ្នកមានសម្រាប់ពូកគេ។
៤. អភ័យទោសអោយបានច្រើនជាងការខឹង
ដឹងអត់ ជីវិតអ្នកនឹងមិនស្រស់បំព្រងនោះទេ ប្រសិនបើអ្នករវល់តែខឹង និងមានភាពគុំគួនខ្លាំងនៅក្នុងជីវិតនោះ។ តាមពិតទៅ អ្នកណាក៏ចេះខឹងដែរ ប៉ុន្តែបើខឹងច្រើនពេកនឹងធ្វើអោយជីវិតរបស់អ្នកកាន់តែអួរអាប់ និងមិនស្រស់ស្អាតនោះឡើយ។ តែយកល្អ អ្នកគួរតែរៀនដើម្បីអភ័យទោសអោយអ្នកជុំវិញខ្លួនអោយបានច្រើន បើទោះបីជាវាពិបាកនៅក្នុងការអត់អោនទោសអោយអ្នកណាម្នាក់ក៏ដោយ។ នេះជាអ្វីមួយដែលអ្នកមិនអាចខ្វះបានក្នុងការរស់នៅក្នុងសង្គមមួយ។
អត្ថបទដោយ៖ ព្រឿន បញ្ញារី
ប្រភព: lifehack
Post a Comment