ពួកយើងរស់នៅក្នុងសម័យទំនើបដែលអ្នកគ្រប់គ្នាទាមទារលើសពីការរំពឹងទុក ការងារល្អ អំណាច គ្រួសារល្អ សេចក្តីសុខនៅក្នុងជីវិត ដែលពេលខ្លះមនុស្សមួយចំនួនភ្លេចថាអ្វីៗទាំងនោះ កើតចេញពីការខំប្រឹងរាប់ឆ្នាំរបស់ពួកគេទេ បែរជាទាមទារភ្លាមៗហើយគិតថាវាងាយស្រួល។ មនុស្សកើតមកត្បិតតែមានអ្វី ខុសៗក្តី ប៉ុន្តែការខិតខំដើម្បីឆាកជីវិតរបស់ខ្លួនគឺមានដូចគ្នា … អ្នកទាំងបីគឺជាមនុស្សដែលអ្នករាល់គ្នាគួរយកជាគំរូ៖
១. មនុស្សមានចក្ខុវិស័យវែងឆ្ងាយ
គោលដៅ ពួកគេមិនមែន មាសប្រាក់ លេចធ្លោ មុខមាត់ក្នុងសង្គម ឬក៏អំណាចនោះទេ ប៉ុន្តែពួកគេជាមនុស្សមើលឃើញពី ប្រយោជន៍មនុស្សមួយក្រុមធំជាជាងប្រយោជន៍ខ្លួនផ្ទាល់។ ពួកគេខិតខំបណ្តុះចំណេះរបស់ខ្លូនដើម្បីជួយដល់សង្គម និងពិភពលោកដែលខ្លួនកំពុងរស់នៅ។ គោលដៅរបស់ពួកគេភាគ ច្រើនគឺកែច្នៃគំនិតរបស់ខ្លូនទៅជាយានដើម្បីធ្វើអោយជីវិតអ្នកដទៃររស់នៅស្រួល ដូចជាការបង្កើតផលិតផល គ្រឿងប្រើប្រាស់ផ្សេងៗដែលជួយអោយការរស់នៅ ប្រសើរជាងមុន។
២. មនុស្សមានគំនិតច្នៃប្រឌិតខ្ពស់
គំនិតច្នៃប្រឌិតរបស់មនុស្សម្នាក់គឺជាអ្វីដែលធ្វើអោយពួកគេខុសប្លែក និងពិសេសពីគេដទៃ។ មនុស្សបែបនេះធុននឹងការបរាជ័យ និងការអាក់អន់ចិត្តជារើយៗក្នុងជីវិតព្រោះ ពួកគេអាចប្រើគំនិតថ្មី ៗរបស់ពួកគេដើម្បីដោះ ស្រាយបញ្ហានៅចំពោះមុខដោយមិនរាថយនោះទេ។មិនត្រឹមតែនាំភាពរីករាយសំរាប់ខ្លួនទេ តែចែករំលែកដល់អ្នកដទៃផងដែរ គ្រប់ពេលដែលគេបង្កើតការសន្ទនាជាមួយនរណាម្នាក់ គេនឹងទទួលបានអារម្មណ៍កក់ក្តៅ ភាពជឿជាក់ និងទំនុកចិត្តយ៉ាងប្លែក។
៣. មិនចេះហត់នឿយនឹងការសិក្សាអ្វីថ្មី
អ្នកដែលយើងបានដឹងហើយមនុស្សជោគជ័យមួយចំនួនក្នុងសម៍យនេះ ភាគច្រើនគឺសុទ្ធជាអ្នកគេចសិក្សា ប៉ុន្តែពួកគេធ្វើការសិក្សាដោយខ្លួនឯងសំរាប់អ្វី ដែលគេចូលចិត្ត ជាមួយទេពកោសល្យរបស់ខ្លួន។ ការស្រូបយកចំណេះដឹងថ្មីៗគីមិនត្រឹមតែជាអ្វីដែលបានសិក្សាក្នុងថ្នាក់រៀននោះ ទេ គឺវាបូករួមនឹងការស្វែងរកផ្ទាល់ខ្លួន និងពី អ្នកដទៃ។ ជីវិតបង្រៀនមនុស្សច្រើនណាស់នូវអ្វីគ្រប់យ៉ាងតាំងពីតូចដល់ធំ ប៉ុន្តែវាអាស្រ័យលើមនុស្សម្នាក់ៗថា តើពួកគេព្រមទទួលយកចំណេះ ទាំងនោះ ដោយកំរិតណា និង ពេលណា ។
'ភាពជោគជ័យនឹងមកដោយឯកឯងនៅពេលអ្នកព្រមបង្កើតផ្លូវដើម្បីអោយវាដើរមករកអ្នក' ៕
អត្ថបទដោយ៖ ហ៊ុន កែវលីដែត
ប្រភព ៖ Life Hack
Post a Comment