ទម្លាប់​​ងាយៗ​​​បញ្ឈប់​​បញ្ហា​​គេ​ង​​មិន​​លក់​​ឬ​​មិ​ន​​ស្កប់​​

បញ្ហាគេងមិនលក់ ឬគេងមិនស្កប់ កើតឡើងមិនមែនតែទៅលើមនុស្សចាស់នោះទេ សព្វថ្ងៃនេះ សូម្បីតែមនុស្សវ័យក្មេងក៏សឹងតែជួបប្រទះនូវបញ្ហានេះដែរ។ ការគេងមិនគ្រប់គ្រាន់ ផ្តល់នូវផលវិបាកធ្ងន់ធ្ងរជាច្រើនរួមមានការអសមត្ថភាពក្នុងការផ្តោតជាសំខាន់ឬចងចាំរឿង, ធ្លាក់ទឹកចិត្ត, និងគ្រោះថ្នាក់នៅតាមផ្លូវ។​ ទោះតិចឬច្រើន ទម្លាប់ប្រចាំថ្ងៃរបស់អ្នក ពិតជាកត្តាជះឥទ្ធិពលដល់ការគេងយ៉ាងពិតប្រាកដ។

Picture credit: Insomnia

ដូច្នេះ ចាប់ផ្តើមផ្លាស់ប្តូរទម្លាប់របស់អ្នកដូចខាងក្រោមនេះ អ្នកនឹងមើលឃើញពីភាពផ្លាស់ប្តូរសម្រាប់បញ្ហាគេងមិនលក់ ឬមិនស្កប់របស់អ្នកជាមិនខាន៖

១. កុំធ្វើការពេលយប់

អ្នកគួរតែព្យាយាមបង្ហើយការងារនៅពេលថ្ងៃប្រសើរជាង ព្រោះពេលថ្ងៃសរីរាង្គចិញ្ចឹមសារពាង្គកាយរបស់អ្នកធ្វើការបានផុសផុលជាងពេលយប់។


២. ស្រូបពន្លឺថ្ងៃឲ្យបានច្រើន

អរម៉ូនធម្មជាតិដែលមានឈ្មោះថា Melatonin ជាអរម៉ូនដែលគ្រប់គ្រងដោយពន្លឺថ្ងៃដើរតួនាទីជាចលករសំខាន់ក្នុងការជម្រុញដំណេកប្រចាំថ្ងៃរបស់អ្នកឲ្យមានភាពល្អប្រសើរ។  អ្នកអាចអង្គុយជិតបង្អួច ឬព្យាយាមធ្វើយ៉ាងណាឲ្យពន្លឺថ្ងៃចូលមកក្នុងបន្ទប់គេងរបស់អ្នកឲ្យបានច្រើន។


៣. កុំសម្លឹងមើលផ្ទាំងកញ្ចក់ទូរស័ព្ទ ទូរទស្សន៍ ឬកុំព្យូទ័រ២ម៉ោងមុនចូលគេង

ពន្លឺអាចជាឧបសគ្គដល់ការគេងនិងចង្វាក់រាងកាយរបស់អ្នក។ ពន្លឺពណ៌ខៀវដែលបញ្ចេញដោយអេឡិចត្រូនិចជះមានគ្រោះថ្នាក់ជាពិសេស។ ដូច្នេះនៅពេលដែលអ្នកត្រៀមខ្លួនជាស្រេចក្នុងការដេក បន្ទប់គួរតែងងឹត។ បរិស្ថានងងឹងនឹងជួយឲ្យអរម៉ូនមេឡានីនក្នុងរាងកាយរបស់អ្នកផលិតបានកាន់តែច្រើន ហើយវានឹងធ្វើឲ្យអ្នកគេងលក់កាន់តែស្កប់។


៤. ទទួលទានកាហ្វេយ៉ាងយូរបំផុតក្រោមម៉ោង២រសៀល

បើយោងតាម WebMD បាននិយាយថា 75 ភាគរយនៃជាតិកាហ្វេដែលអ្នកទទួលទាន នឹងចេញរាងកាយរបស់អ្នកបន្ទាប់ពី៨ទៅ10 ម៉ោង។ ដូច្នេះការផឹកកាហ្វេមួយឬពីរពែងនៅពេលព្រឹកនឹងមិនប៉ះពាល់ដល់ការគេងរបស់អ្នកគេងនៅពេលយប់ទេ។ ទោះយ៉ាងណា ជាការចាំបាច់ អ្នកគួរតែព្យាយាមមិនទទួលទានជាតិកាហ្វេអ៊ីនច្រើនពេកចាប់ពីម៉ោង២រសៀលទៅ។


៥. កុំញ៉ាំចំណីអាហារច្រើននៅពេលយប់

អ្នកជំនាញជាច្រើនបានណែនាំឲ្យមនុស្សទទួលទានយ៉ាងយូរបំផុត១ម៉ោងមុនពេលចូលគេង។ ដូច្នេះហើយ អ្នកមិនត្រូវទទួលទានអាហារច្រើនពេកនៅពេលយប់នោះទេ ជាពិសេសអាហារដែលមានជាតិខ្លាញ់ និងផ្អែម ព្រោះវានឹងរំខានដល់ការរំលាយអាហារនៅពេលដែលអ្នកសម្រាន្ត។


៦. ប្រើម្រាមដៃចុចសម្ពាធឈាម

នេះជាវិធីសាស្រ្តរបស់ជនជាតិចិនបុរាណ ដែលថាការប្រើម្រានដៃរបស់អ្នកចុចទៅលើចំណុចសម្ពាធឈាមថ្នមៗ នឹងជួយឲ្យអ្នកគេងលក់ស្រួល។

សូមព្យាយាមដាក់មេដៃរបស់អ្នកនៅលើតំបន់នៅចន្លោះចិញ្ចើមនៅផ្នែកខាងលើនៃច្រមុះរួចសង្កត់ 20 វិនាទី បន្ទាប់មកបន្ធូរនិងធ្វើឡើងវិញជាពីរដងទៀត។ មួយវិញទៀត អ្នកអាចព្យាយាមដាក់ជើងស្ដាំរបស់អ្នកនៅលើជង្គង់ឆ្វេងហើយចុចលើគម្លាតរវាងមេជើងរបស់អ្នកនិងម្រាមជើងទីពីរ។


៧. ស្រមើស្រម៉ៃទៅកាន់កម្សាន្តកន្លែងដែលអ្នកចូលចិត្ត

ទម្លាប់មួយនេះនឹងជួយឲ្យស្មារតីរបស់អ្នកបានស្ងប់។ អ្នកអាចព្យាយាមបិទភ្នែក តាំងអារម្មណ៍ឲ្យស្ងប់ ហើយប្រើការស្រមើស្រម៉ៃនាំអ្នកទៅកាន់កន្លែងដែលអ្នកចូលចិត្ត។ ការស្រមើស្រម៉ៃនេះនឹងជួយឲ្យខួរក្បាលរបស់អ្នកពេលគេងដំណើរការបានល្អ និងគេងលក់ស្រួល។


៨. កម្តៅប្រអប់ជើងរបស់អ្នក

យោងតាម WebMD អ្នកជំនាញបានផ្តល់អនុសាសន៍ឱ្យគេងក្នុងបន្ទប់ចន្លោះពី 65 និង 72 ° F ។ រាងកាយរបស់អ្នកដេកក្នុងបន្ទប់មានភាពត្រជាក់ល្មម ប្រសើរជាងក្នុងបន្ទប់ក្តៅស្អុះ ឬហប់ខ្លាំង។ ទោះជាយ៉ាងណា, ប្រសិនបើវាជាត្រជាក់ពេកឬប្រសិនបើជើងនិងដៃរបស់អ្នកត្រជាក់ខ្លាំង សរសៃឈាមរបស់អ្នកនឹងហាប់ សីតុណ្ហភាពរាងកាយរបស់អ្នកនឹងឡើង ដែលធ្វើឱ្យវាពិបាកសម្រាប់អ្នកក្នុងការដេក។

ប្រសិនបើអ្នកមានអារម្មណ៍ថាត្រជាក់តិចតួច សាកល្បងពាក់ស្រោមជើងកម្តៅបាតជើងរបស់អ្នកជាការស្រេច!


អត្ថបទដោយ៖ សន ឆវីវតី
ប្រភពអត្ថបទ៖ Littlethings