តើ​ការ​ធ្វើ​កិច្ចការ​​សាលា​ធ្វើ​ឲ្យប៉ះពាល់​សុខភាព​មែន​ទេ?​

តាម​ការ​សិក្សា​ស្រាវ​ជ្រាវ​នា​ពេលថ្មី​ៗ​នេះបាន​បង្ហាញថា​ការធ្វើ​កិច្ចសាលា​អាចប៉ះ​ពាល់​ដល់​សុខ​ភាព​និងធ្វើ​ឲ្យសិស្ស​កើត​មានបញ្ហា​ស្រ្ដេស​យ៉ាង​ធ្ងន់​ធ្ងរ​ទាំងសិស្ស​ដែលបានសិក្សា​​ថ្នាក់មតេយ្យ​រហូតដល់​ថ្នាក់​វិទ្យាល័យ​។

តាមការសិក្សារបស់ The National Education Association (NEA) and the National PTA (NPTA) បានបញ្ចាក់ថាការធ្វើកិច្ចការសាលារបស់សិស្សដែលរៀននៅថ្នាក់មតេយ្យគួរតែចំណាយពេល១០ ទៅ​១៥នាទីនៅពេលយប់គឺជាការល្អសំរាប់ពួកគេ។ សំរាប់សិស្សានុសិស្សនៅក្នុងថា្នក់វិទ្យាល័យគួរចំណាយពេលធ្វើកិច្ចការសាលាពី ១ ទៅ២ ម៉ោងទើបល្អសមស្រប។

តាមការសិក្សាដដែលក៏បានបញ្ចាក់ដែរការធ្វើកិច្ចសាលារបស់ក្មេងតូចៗក៏អាចមានផលប៉ះពាល់ដល់សមាជិកគ្រួសារដែរ ដែលអាចឲ្យសមាជិកមានជម្ងឺស្រ្ដេសផងដែរ ដោយសារតែមេគ្រួសារក៏ដូចជាសមាជិកក្នុងផ្ទះមិនមានលទ្ធភាពជួយដោះស្រាយបញ្ហានោះដល់កូនៗរបស់គេបាន។

តាមការសិក្សាផ្សេងទៀតរបសសកលវិទ្យាល័យ Stanford បានបង្ហាញថាសិស្សដែលរៀននៅវិទ្យាល័យដែលចំណាយពេលធ្វើកិច្ចការសាលាច្រើនម៉ោងពេក ធ្វើឲ្យពួកគេមានបញ្ហាស្រ្ដេស ប៉ះពាល់ដល់សុខភាពរាងកាយ ភាពមិនស្មើគ្នានៅក្នុងសង្គម មិនមានមិត្ដរាប់អានច្រើន និងអាចឲ្យគេមានបញ្ហាទំនាក់ទំនងនៅក្នុងសង្គម។

ដើម្បីកាត់បន្ថយបញ្ហាទាំងនេះសិស្សានុសិស្សគួរតែចំណាយពេលធ្វើកិច្ចការសាលាក្នុងពេលវេលាសមស្របដោយសិស្សនៅថា្នក់មតេយ្យគួរចំណាយពេលពី ១០ទៅ១៥នាទី ចំណែកសិស្សថា្នក់វិទ្យាល័យគឺពី ១ទៅ២ម៉ោង៕

ប្រែសម្រួលដោយ ធានី
ប្រភព Healthline